ຟີລິບປີນ ຈະປະຈຳການເພີ່ມເຮືອບິນເຮລີກົບແຕ T-129 ATAK
ອີງຕາມລາຍງານຈາກ ເວັບໄຊທ໌ adj.com.my ແຈ້ງໃຫ້ຮູ້ໃນ ວັນທີ 26 ທັນວາ 2023 ນີ້ວ່າ: ກອງທັບອາກາດ ຟີລິບປິນ
ຈະປະຈຳການເພີ່ມເຮືອບິນເຮລີກົບແຕ T-129 ATAK ເຊິ່ງເຮືອບິນລຸ້ນໃໝ່ຫຼ້າສຸດທີ່ຜະລິດໂດຍ ຕຸຣາເກຍ. ເຮືອບິນດັ່ງກ່າວ
ແມ່ນຖືກຕິດຕັ້ງດ້ວຍຣາດາກວດຈັບເປົ້າໝາຍທາງອາກາດຂອງ ຍີ່ປຸ່ນ.
ລາຍງານໄດ້ໃຫ້ຮູ້ວ່າ: ເຮືອບິນ T-129 ຈຳນວນສອງລຳ ແມ່ນມີຕົ້ນແບບມາຈາກເຮືອບິນ AgustaWestland A-129
Mangusta ໄດ້ຖືກສົ່ງມອບໃຫ້ກອງທັບອາກາດຟີລິບປິນ ໃນວັນທີ 30 ພະຈິກ 2023 ທີ່ຜ່ານມາ, ເຊິ່ງເຮືອບິນຈຳນວນດັ່ງ
ກ່າວນີ້ແມ່ນລວມຢູ່ໃນມູນຄ່າສັນຍາສັ່ງຊື້ເຮືອບິນເຮລີກົບແຕ ທັງໝົດ 6 ລຳ ທີ່ລົງນາມກັນລະຫວ່າງ ຟີລິບປິນ ແລະ ບໍລິສັດອຸດ
ສາຫະກຳການບິນອະວະກາດຕຸຣະເກຍ ໃນວັນທີ 20 ກໍລະກົດ 2020 ທີ່ຜ່ານມາ ເຊິ່ງມີມູນຄ່າ 269 ລ້ານໂດລາສະຫະລັດ.
ເຮືອບິນເຮລີກົບແຕ T-129 ATAK ເປັນເຮືອບິນທີ່ໃຊ້ເຄື່ອງຈັກຄູ່, ປະຕິບັດງານໄດ້ຫຼາຍໜ້າທີ່, ສາມາດໂຈມຕີໄດ້ໃນທຸກສະ
ພາບອາກາດ.
ນອກນີ້ ຍັງຕິດຕັ້ງດ້ວຍອາວຸດເຊັ່ນ: ປືນໃຫຍ່, ຈະຫຼວດ, ລູກສອນໄຟ ແລະ ລະບົບເຕັກໂນໂລຊີເຊັນເຊີ້ ແລະ ການເລັງເປົ້າ
ລະດັບສູງ. T-129 ATAK ສາມາດບິນດ້ວຍຄວາມ ໄວ 200 ກວ່າກິໂລແມັດຕໍ່ຊົ່ວ ໂມງ ແລະ ບິນໄດ້ໄກກວ່າ 400 ກິໂລແມັດ.
ແຫຼ່ງທີ່ມາ: ໜັງສືພິມກອງທັບ
ວັນທີ 04/01/2024